Minčuk sarvaŭ złość na škłopakietach i budzie za heta płacić
U Minsku 25‑hadovy mužčyna paškodziŭ vokny i ŭvachodnyja dźviery restarana chutkaha charčavańnia i kramy, kidajučy ŭ ich kamiani, paviedamili ŭ HUUS Minharvykankama.
Skrynšot ź videa
Pra zdareńnie ŭ milicyju paviedamili pradstaŭniki paciarpiełych ustanoŭ. Na miesca prybyli supracoŭniki patrulna-pastavoj słužby Frunzienskaha RUUS, jakija zatrymali padazravanaha.
Pavodle słoŭ zatrymanaha, pierad hetym jon pasvaryŭsia sa svajakami i vyjšaŭ pahulać. Prachodziačy mima kramy i restarana, mužčyna ŭ paryvie złości kinuŭ niekalki kamianioŭ u šklanyja kanstrukcyi.
U vyniku jaho dziejańniaŭ byli naniesienyja straty na sumu 8200 rubloŭ. Kampiensavać škodu budzie sam zatrymany.
Pa fakcie zdareńnia raspačali kryminalnuju spravu za chulihanstva.
Čytajcie taksama:
U Breście pjany mužčyna ŭčyniŭ razborki z taksistam