Pakistan nanios avijaŭdary pa terytoryi Afhanistana
Pakistanskaja avijacyja naniesła ŭdary pa rajonach uzdoŭž miažy z Afhanistanam, što stała pieršym surjoznym abvastreńniem paśla niekalkich miesiacaŭ adnosnaha zacišša pamiž dźviuma krainami, paviedamlaje Bi-bi-si.
Zdymak ilustracyjny. Fota: Stringer/Anadolu via Getty Image
Ministr infarmacyi Pakistana Ataŭła Tarar paviedamiŭ, što padčas «kropkavych udaraŭ» parazili čatyry abjekty, jakija, pavodle śćviardžeńnia Isłamabada, vykarystoŭvalisia ŭzbrojenymi hrupami. Pakistan zajaŭlaje pra hibiel 26 bajevikoŭ. Pavodle ŭładaŭ krainy, apieracyja stała adkazam na niadaŭnija terarystyčnyja napady na terytoryi Pakistana. Siarod celaŭ nazyvalisia bazy, navučalny centr i schoviščy bojeprypasaŭ.
Pradstaŭnik urada Talibanu Zabichuła Mudžachid zajaviŭ, što ŭdary byli naniesienyja pa terytoryi afhanskich pravincyj Kunar, Chost i Paktyka. Pavodle jaho słoŭ, u vyniku zahinuli 13 mirnych žycharoŭ, u tym liku 11 dziaciej, adna žančyna i adzin pažyły mužčyna.
Pakistan praciahły čas abvinavačvaje afhanskija ŭłady ŭ tym, što na terytoryi krainy znachodziacca hrupoŭki, jakija arhanizujuć napady ŭ Pakistanie. Urad Talibanu admaŭlaje hetyja abvinavačańni i śćviardžaje, što Afhanistan nie dazvalaje vykarystoŭvać svaju terytoryju dla pahrozy inšym dziaržavam.
U kastryčniku minułaha hoda baki damovilisia ab spynieńni ahniu paśla sieryi kryvavych pamiežnych sutyknieńniaŭ. Adnosnaje zacišša praciahvałasia da apošnich padziej, chacia asobnyja incydenty na miažy praciahvali adbyvacca.
Čytajcie taksama:
Śviet na vajnie. Letaś zafiksavali rekordnuju kolkaść kanfliktaŭ z časoŭ Druhoj suśvietnaj
Taliby dazvolili mužčynam žanicca ź dzieviacihadovymi dziaŭčynkami
U Pakistanie ŭzarvali bombu na bazary, dzieviać zahinułych
Achvotnym naviedać Afhanistan ciapier možna zrabić heta praściej