Biełaruskaha špica navučyli asnovam matematyki

Pažyłaja žančyna, jakaja pracuje nastaŭnicaj matematyki, ździviła karystalnikaŭ sacyjalnych sietak svaim niezvyčajnym vučniem — sabakam parody špic, zaŭvažyła vydańnie Blizko.by.

Unuki žančyny, błohiery Vara i Jahor «Barabulkiny», apublikavali dva videa, na jakich hadavaniec nibyta rašaje prostyja matematyčnyja zadačy: naprykład, nazyvaje adkaz na pytańni «dva pamnožyć na dva» abo «kvadratny korań ź dzieviaci», padajučy patrebnuju kolkaść brechaŭ. Za pravilnyja adkazy sabaka atrymlivaŭ pačastunak.

Videa vyklikała šmat žartoŭnych kamientaroŭ. Karystalniki pisali, što taki vučań moh by sam vykładać u škole, zdać ekzamieny na vydatny bał abo dapamahčy na kantrolnaj rabocie.

Adnak sakret nadzvyčajnaj zdolnaściaŭ «puchnataha matematyka» davoli prosty. Padobnyja numary zasnavanyja na dresiroŭcy: žyviolina nasamreč nie dumaje nad pytańniami, a reahuje na nieprykmietnyja sihnały haspadara, naprykład, ruch hałavy abo žest rukoj, pa jakich razumieje, kali treba spynić haŭkać.

Kamientary da artykuła