U Homieli sabaka pamior u pakutach, niečym atruciŭšysia na dvary. I heta ŭžo nie pieršy padobny vypadak
U redakcyju vydańnia «Mocnyja naviny» źviarnuŭsia hamialčuk Uładzimir. Pavodle jaho słoŭ, ulubionka siamji Ajmi zahinuła, jak miarkujecca, niešta źjeŭšy kala łaŭki la dziciačaj placoŭki. Raniej pra atručvańnie sabak padčas prahułak paviedamlali i inšyja ludzi, tamu možna dapuścić, što heta nie vypadkova.
U toj dzień mužčyna z žonkaj byli na pracy, a ź dziciom i sabakam baviŭsia dziadula. Jany prahulvalisia la voziera ŭ Navabielicy i pryjšli da dziciačaj placoŭki. Małoje adrazu adpraviłasia na horku, a piensijanier z Ajmi na łancužku prysieŭ na łaŭku niepadalok. Dziadula tak bajaŭsia, što sabaka ŭciače, što pastajanna trymaŭ jaho kala siabie na mietrovym łancužku — nie adpuskaŭ.
Sabaka pryloh kala łaŭki, i haspadary miarkujuć, što mienavita ŭ hety momant jon patajemna niešta padabraŭ ź ziamli i źjeŭ — tamu što vielmi chutka ŭ jaho pačalisia vanity i vadki stuł. Dziadula ź dziciom i sabakam chutčej viarnulisia dadomu — paśla čaho Ajmi lehła i nie ŭstavała.
Terminova pryjechała žonka Uładzimira i paviezła hadavanku ŭ vietkliniku: vanity i stuł byli ŭžo z kryvioj. Pavodle ŭsich simptomaŭ heta była niejkaja atruta, u straŭniku na renthienie nie akazałasia inšarodnych ciełaŭ. Sabaku pastavili kropielnicu, zrabili niekalki ŭkołaŭ i adpravili dadomu — nazaŭtra treba było viarnucca na kropielnicy. Ale ŭnačy, na žal, Ajmi pamierła.
Na vypiscy ad vieterynara, jakuju Uładzimir pierasłaŭ u redakcyju — antytaksin i jašče šerah preparataŭ, jakija pryznačajucca pry mocnym atručvańni.
Apošnim časam «Mocnyja naviny» nie raz paviedamlali pra padobnyja vypadki ŭ Homieli — u kancy sakavika, naprykład, pra heta raskazvała haspadynia špica. U kancy śniežnia minułaha hoda ŭ redakcyju pisała i ŭładalnica dałmacinca. U abodvuch hetych vypadkach sabaki, na ščaście, vyžyli.
«Vyhladaje jak akcyja žyvadzioraŭ»: u roznych rajonach Minska niechta raskidvaje pacučyny jad
«Atrutaj upryhožyli kłumbu»: praciah historyi sa znojdzienym pacučynym jadam u Minsku
Žycharoŭ minskaha mikrarajona napužaŭ ružovy śnieh u dvary
Skumbryja ź ihołkami, sała ź ćvikami: u Minsku niechta raskidvaje niebiaśpiečnyja prynady dla sabak
Kamientary