Z fondu Łukašenki vydzielili hrošy na restaŭracyju dvuch chramaŭ
Alaksandr Łukašenka padpisaŭ rasparadžeńnie ab vydzialeńni 3,6 miljona rubloŭ sa svajho fondu na restaŭracyju kultavych budynkaŭ u Žyrovičach i Budsłavie.
Asnoŭnaja častka srodkaŭ — kala 3,4 miljona rubloŭ — pojdzie na praciah adnaŭleńnia ikanastasa Uśpienskaha sabora ŭ Žyrovičach. Raboty tam pačalisia jašče ŭ 2025 hodzie: užo adrestaŭravali vierchniuju častku ikanastasa, jaki datujecca XVII stahodździem, a ciapier płanujecca adnavić astatnija elemienty.
Akramia taho, bolš za 260 tysiač rubloŭ nakirujuć Minska-Mahiloŭskaj archidyjacezii Katalickaj carkvy na pieršačarhovyja raboty ŭ kaściole Uniebaŭziaćcia Najśviaciejšaj Panny Maryi ŭ Budsłavie. Siarod zadač — padrychtoŭka dakumientacyi i ŭmacavańnie padmurkaŭ, ścien i kanstrukcyj chrama.
Budsłaŭski kaścioł raniej mocna paciarpieŭ ad pažaru ŭ 2021 hodzie, paśla čaho praciahvałasia jaho adnaŭleńnie za košt achviaravańniaŭ i dziaržaŭnaj padtrymki.
Čytajcie taksama:
Na ŭjeździe ŭ Budsłaŭ pastavili znak z vyjavaj Panny Maryi FOTAFAKT
U Budsłavie abviaścili zbor bujnoj sumy na praciah restaŭracyi kaścioła