U Hrodzienskaj vobłaści mocny viecier valiŭ drevy
U Hrodzienskaj vobłaści supracoŭniki MNS likvidujuć nastupstvy mocnaj niepahadzi, jakaja prajšła praz rehijon. Pryčynaj paškodžańniaŭ staŭ navalničny front, jaki supravadžaŭsia mocnym vietram. Chutkaść paryvaŭ vietru dasiahała 17 mietraŭ za siekundu, paviedamlaje pres-słužba MNS.
Skrynšot ź videa
Pavodle apieratyŭnych źviestak, stychija vyklikała nie mienš za 19 vypadkaŭ padzieńnia dreŭ. Najbolš paciarpieli terytoryi Dziatłaŭskaha, Voranaŭskaha i Smarhonskaha rajonaŭ. Pavalenyja vietram drevy pierakryvali terytoryi i patrabavali apieratyŭnaha ŭmiašańnia vyratavalnych słužbaŭ.
U Dziatłaŭskim rajonie drevy ŭpali na žyłyja damy i paškodzili dachi dvuch pryvatnych žyłych budynkaŭ. Infarmacyi pra surjoznyja razbureńni kanstrukcyj damoŭ niama, adnak paškodžańni dachaŭ patrabujuć ramontu.
Pavodle najaŭnych na hety momant źviestak, u vyniku navalnicy i mocnaha vietru nichto ź ludziej nie paciarpieŭ.
Čytajcie taksama:
Na piatnicu ŭ Minskaj vobłaści abviaścili aranžavy ŭzrovień niebiaśpieki z-za pachaładańnia
U Minsku nakryjuć naviesami ŭsie vychady z padziemnych pierachodaŭ
«Budzie vilhać — buduć hryby». Pad Hrodnam užo źbirajuć lisički