Dvuchmiesiačnaje dzicia vypadkova atruciłasia limonnaj kisłatoj z čajnika
Žachlivaja situacyja ŭ Baranavičach.
U Baranavičach 6 červienia dvuchmiesiačnaje dzicia trapiła ŭ balnicu z dyjahnazam «vostraje vypadkovaje atručvańnie chimičnym rečyvam», paviedamiŭ BiełTA pradstaŭnik SK Alaksandr Suchadolski.
Žančyna z hrudnym dziciem pryjechała z-za miažy ŭ hości da svajoj maci. U hety čas babula vyrašyła pačyścić čajnik ad nakipu i zasypała ŭ jaho limonnuju kisłatu, nie papiaredziŭšy pra heta dačku.
«Žančyna, ničoha nie padazrajučy, dla pryhatavańnia sumiesi naliła z čajnika vadu i pačała karmić małoha z butelečki. Kali jana zrazumieła, što ŭ jomistaści limonnaja kisłata, padniała tryvohu i vyklikała chutkuju miedycynskuju dapamohu», — raspavioŭ aficyjny pradstaŭnik SK.
Chłopčyku svoječasova akazali nieabchodnuju miedycynskuju dapamohu, jaho žyćciu i zdaroŭju ničoha nie pahražaje.