U muziei-leciščy Bykava pračytajuć lekcyju pra film «Znak biady»
Aŭtarskaja lekcyja Źmitra Jurkieviča i Iryny Kniazievaj da 40‑hodździa vychadu kinafilma «Znak biady» projdzie ŭ muziei-leciščy Vasila Bykava 21 červienia (niadziela), paviedamlaje «Supołka biełaruskich piśmieńnikaŭ.
Pa svajoj trahičnaści i nasyčanaści dziejańnia apovieść «Znak biady» ličycca samym antyvajennym tvoram Vasila Bykava. Adnym ź pieršych čytačoŭ rukapisa apovieści staŭ Michaił Ptašuk. Režysior ubačyŭ u tvory los svajoj maci, svajoj siamji.
Z hetaha momantu i pačynajecca adlik u historyi stvareńnia znakavaha filma Michaiła Ptašuka, jaki paźniej budzie pryznany ci nie samym važnym u historyi biełaruskaha kiniematohrafa. I nie tolki biełaruskaha, bo jon tryvała zajmaje adnu z pazicyj u top-10 lepšych filmaŭ pra vajnu.
Pačatak a 14:00
Adras: a/h Ždanovičy, vuł. 6‑ia Dačnaja, 62
Košt 10 r.