U Maskvie sprabavali ŭzarvać byłoha ministra dziaržbiaśpieki «DNR»
U Novaj Maskvie adbyłasia sproba zamachu na byłoha kiraŭnika ministerstva dziaržaŭnaj biaśpieki tak zvanaj «DNR» Andreja Pinčuka, paviedamlajuć rasijskija telehram-kanały.
Andrej Pinčuk
Jak paviedamlajecca, incydent adbyŭsia 12 červienia ŭ pasiołku Ščapava, dzie kala doma Andreja Pinčuka vybuchnuła pasyłka z vybuchovymi i paražalnymi elemientami.
Pavodle papiarednich źviestak, sam Pinčuk nie paciarpieŭ, bo paśpieŭ schavacca. Jahonaja siamja ŭ momant vybuchu znachodziłasia ŭ inšym miescy i taksama nie paciarpieła.
U vyniku vybuchu ŭ domie byli paškodžanyja vokny i dźviery. Na miescy zdareńnia pracujuć rasijskija siłaviki, jakija vyśviatlajuć abstaviny incydentu i šukajuć mahčymych padazravanych.
Andrej Pinčuk u 2014—2015 hadach, adrazu paśla pačatku rasijskaj hibrydnaj vajny va ŭschodnich rehijonach Ukrainy, zajmaŭ pasadu kiraŭnika ministerstva dziaržaŭnaj biaśpieki «DNR». Taksama jon kamandavaŭ dobraachvotnickim atradam «BARS-13».
Čytajcie taksama:
Dzień Rasii: harać NPZ u Nižniakamsku, zavod kaŭčuku ŭ Taljaci i abjekt u Simfieropali
Pry vybuchu aŭtamabila ŭ padmaskoŭnaj Bałašysie zahinuŭ vysokapastaŭleny vajskoviec
Na paŭdniovym zachadzie Maskvy vybuchnuŭ aŭtamabil
U padmaskoŭnaj Bałašysie ŭzarvali aŭtamabil, kiroŭca zahinuŭ