Pry vybuchu aŭtamabila ŭ padmaskoŭnaj Bałašysie zahinuŭ vysokapastaŭleny vajskoviec
Padčas vybuchu aŭtamabila BMW X3 u padmaskoŭnaj Bałašysie ranicaj 9 červienia zahinuŭ načalnik upraŭleńnia pastaŭki rakiet i artyleryjskich bojeprypasaŭ Hałoŭnaha rakietna-artyleryjskaha ŭpraŭleńnia Minabarony Damir Davydaŭ. Jon žyŭ za 200 mietraŭ ad budynka, kala jakoha prahrymieŭ vybuch, śviedčać uciečki danych, vyvučanyja vydańniem «Ahientstvo».
Pieršym asobu zahinułaha nazvaŭ błohier Anatol Šaryj, zatym infarmacyju paŭtaryŭ telehram-kanał «VČK-OHPU».
Pavodle danych kanała INSIDER UA, pry zamachu na Davydava vykarystoŭvałasia vybuchovaje prystasavańnie z 500 hramami traciłu.
Damir Davydaŭ žyŭ u Bałašysie, u domie № 6 pa vulicy Kažaduba, śviedčać uciečki, vyvučanyja «Ahienctvam». Praz adzin dom — prykładna za 200 mietraŭ — znachodzicca dom 10 pa vulicy Kałdunova, kala jakoha i adbyŭsia vybuch. Sam vybuch adbyŭsia na vulicy Kažaduba, śviedčać apublikavanyja videa.
Davydavu było 57 hadoŭ i jon maje zvańnie pałkoŭnika, śviedčać uciečki i danyja ŭkrainskaha rasśledvalnickaha prajekta Evocation.
Jaho proźvišča stała viadomaje z dakumientaŭ, jakija ŭ svoj čas padčas svajho kanfliktu ź Minabarony publikavaŭ stvaralnik PVK «Vahnier» Jaŭhienij Pryhožyn. Jon byŭ adnym z troch vajskoŭcaŭ, jakija zajmajucca raźmierkavańniem bojeprypasaŭ u rasijskaj armii, pisaŭ Evocation.
U Davydava jak minimum u pieryjad z 2016 pa 2023 hod była mašyna Audi A4, śviedčać uciečki. Zhodna z danymi «Aŭtakod», hetaja mašyna była apošni raz pradadziena ŭ kastryčniku 2024 hoda. Danych pra toje, što jon ci členy jaho siamji vałodajuć BMW, va ŭciečkach niama.
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2323
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki23
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary
na konciert k Josie Kobzonu, HOJDA!!!