Milicyja zatrymała 20‑hadovuju pamočnicu telefonnych machlaroŭ
Jana paśpieła zrabić niekalki rejsaŭ z susiedniaj krainy.
Apieratyŭniki minskaha kryminalnaha vyšuku zatrymali 20‑hadovuju zamiežnicu, jakaja zrabiła svajoj «prafiesijaj» padpracoŭku kurjeram machlaroŭ.
Dva miesiacy tamu nieznajomy ŭ hulniavym čacie prapanavaŭ joj zarabić bujnuju sumu hrošaj biez asablivych namahańniaŭ. Dziaŭčyna zhadziłasia i adpraviła jamu svaje asabistyja danyja i videasełfi z pašpartam. Paśla hetaha atrymała pieršaje zadańnie — nakiravacca ŭ Minsk.
Na praciahu niekalkich dzion jana zabirała čužyja hrošy z zakładak u lesie, dzie ich pakidali padmanutyja piensijaniery. Paśla hetaha jana źjechała ź Biełarusi i atrymała ad kuratara zarobak.
Praź niekatory čas dziaŭčyna znoŭ atrymała zadańnie i viarnułasia ŭ Minsk. Jana znoŭ sabrała pakiety z hrašyma ŭ zakładkach i vyviezła ich za MKAD, dzie pakinuła pad drevam dla nastupnaha kurjera, ale była zatrymanaja.
70 tysiač rubloŭ kanfiskavanyja i buduć viernutyja padmanutym ludziam.