Chołand zrabiŭ dubl, a ŭ krainie-supierniku z-za načnoha matča navat pieranieśli pačatak pracoŭnaha dnia
Zbornaja Narviehii pieramahła Irak na čempijanacie śvietu pa futbole ź likam 4:1.
Fota: Justin Setterfield/Getty Images
Forvard «Mančester Sici» Erlinh Chołand zabiŭ dva miačy, Lea Ościhar zabiŭ taksama i jašče aŭtahoł u irakca Ajmiena Chusejna. Jon, darečy, zabiŭ i «narmalny» hoł u varoty Narviehii.
Heta, darečy, užo čaćvierty aŭtahoł na hetym čempijanacie.
Učora premjer Iraka Ali az-Ziejdzi rasparadziŭsia pačać siońnia pracoŭny dzień va ŭsich viedamstvach a 10:00 pa miascovym časie (supadaje ź biełaruskim) z-za matča z Narviehijaj.
«U adpaviednaści z rasparadžeńniem premjer-ministra Iraka Ali az-Ziejdzi pačatak pracoŭnaha dnia va ŭsich viedamstvach 17 červienia budzie pieraniesieny na 10:00. Dziakujučy hetaj vyklučnaj miery dziaržaŭnyja słužačyja i ŭsie hramadzianie zmohuć padtrymać irakskuju nacyjanalnuju zbornuju pa futbole na čempijanacie śvietu», — havorycca ŭ zajavie sakrataryjata premjera.
Nastupny matč Narviehija zhulaje ź Sieniehałam, taksama ŭ zbornaj hulnia z Francyjaj.
Siońnia na mundyjali dźvie sustrečy: Partuhalija — DR Konha (20:00) i Anhlija — Charvatyja (23:00).
Čytajcie taksama:
Miesi aformiŭ chiet-tryk i staŭ najlepšym bambardziram u historyi čempijanataŭ śvietu
Zbornaja Francyi pieramahła Sieniehał u pieršym matčy na mundyjali. Ale heta było nialohka