Polšča za piać miesiacaŭ vydała biełarusam bolš za 12 tysiač dazvołaŭ na žycharstva
Usiaho ŭ Polščy na 1 červienia mieli dakumienty, jakija dazvalajuć znachodžańnie ŭ krainie, 135 876 hramadzian Biełarusi.
Polšča ŭ studzieni—mai hetaha hoda vydała hramadzianam Biełarusi bolš za 12 tysiač dazvołaŭ na žycharstva. Pra heta śviedčyć śviežaja statystyka Upraŭleńnie pa spravach zamiežnikaŭ Polščy, piša Reform.news.
U hetym hodzie 10 134 čałavieki atrymali ŭ Polščy časovy dazvoł na žycharstva, 1599 — pastajanny dazvoł na žycharstva, 380 čałaviek — status rezidenta Jeŭrapiejskaha sajuza.
Za toj ža pieryjad biełarusam vydali 1374 admovy ŭ vydačy dazvołaŭ na žycharstva, a 598 spraŭ byli spynieny biez vyniasieńnia rašeńnia.
66% časovych dazvołaŭ na žycharstva byli vydadzieny na padstavie pracy, 24% — uźjadnańnia siamji, 3% — vučoby, 7% — ź inšych padstaŭ.
U hetym hodzie zajavy na atrymańnie DNŽ u Polščy padali 23 280 hramadzian Biełarusi.
U mai hetaha hoda Upraŭleńnie pa spravach zamiežnikaŭ vyniesła rašeńni ab vydačy mižnarodnaj abarony 86 hramadzianam Biełarusi, u tym liku 72 byŭ nadadzieny status uciekača, a 14 — dadatkovaja abarona.
17 hramadzianam Biełarusi ŭ mai admovili ŭ vydačy abarony, i stolki ž spraŭ było spyniena.
Usiaho z pačatku hoda 217 hramadzian Biełarusi atrymali status biežanca, 368 była nadadziena dadatkovaja abarona. 31 čałavieku admovili ŭ mižnarodnaj abaronie, a 96 spraŭ byli spynieny.
U mai hramadzianie Biełarusi padali 120 chadajnictvaŭ ab vydačy mižnarodnaj abarony ŭ dačynieńni da 148 asob. Z pačatku hoda Upraŭleńnie atrymała ad biełarusaŭ 623 chadajnictvy ŭ dačynieńni da 766 asob. Akramia taho, u dačynieńni da 24 asob chadajnictvy byli padadzieny paŭtorna, a ŭ dačynieńni da 26 — adnoŭlenyja razhlady spraŭ.
Pavodle danych Upraŭleńnia, jano praciahvaje razhladać zajavy 2908 hramadzian Biełarusi ab mižnarodnaj abaronie ŭ pieršaj instancyi. U druhoj instancyi znachodziacca spravy 116 hramadzian Biełarusi.
U cełym Upraŭleńnie razhladaje 7,8 tys. chadajnictvaŭ ab mižnarodnaj abaronie. Ich kolkaść źnižajecca: kolkaść pryniatych rašeńniaŭ pieravyšaje kolkaść novych zvarotaŭ. Siaredni čas razhladu zajavy składaje 277 dzion.
Usiaho ŭ Polščy na 1 červienia mieli dakumienty, jakija dazvalajuć znachodžańnie ŭ krainie, 135 876 hramadzian Biełarusi(na 1840 mienš u paraŭnańni z 1 maja), u tym liku:
80 768 mieli časovy dazvoł na žycharstva,
- 41 294 — pastajanny dazvoł na žycharstva,
- 9930 — dadatkovuju abaronu,
- 2412 — status rezidenta ES,
- 1085 — status uciekača,
- 212 — časovuju abaronu,
- 175 — inšyja padstavy.
U hetym hodzie pa vynikach piaci miesiacaŭ biełarusy atrymali ŭ Polščy 2737 prajaznych dakumientaŭ. Takija dakumienty ŭ sproščanym paradku mohuć atrymać hramadzianie Biełarusi, u jakich skončyŭsia termin dziejańnia pašparta, ale jany nie mohuć atrymać jaho na radzimie.
Biełarusy zastajucca asnoŭnymi atrymalnikami takich dakumientaŭ. Usiaho z 2020 hoda hramadzianam Biełarusi Polšča vydała ŭžo bolš za 11 tys. prajaznych dakumientaŭ. Dla paraŭnańnia, hramadzianam inšych krain za hety pieryjad było vydadziena tolki 1647 takich dakumientaŭ.