Bajec rasijskaj PVK vykraŭ vajenkara, jaki pisaŭ pra ich kampaniju, i trymaŭ u zakapanaj trunie
Vajenkara časopisa «Sajuz nacyjanalnaściej» Ramana Siamionava (Samuraj) hvałtoŭna vyvieźli ŭ Biełharodskuju vobłaść, dzie trymali pad achovaj i katavali.
Kurski harnizonny vajskovy sud asudziŭ bajca PVK «Jastrab» Ivana Cimochava (pazyŭny «Cimocha») da 5 hadoŭ kałonii strohaha režymu. Jaho pryznali vinavatym u pieravyšeńni słužbovych paŭnamoctvaŭ z užyvańniem katavańniaŭ, piša «Astra».
Pavodle źviestak śledstva, uvosień 2024 hoda Cimochaŭ dziejničaŭ pa zahadzie kiraŭnictva.
Vajenkara časopisa «Sajuz nacyjanalnaściej» Ramana Siamionava (Samuraj) hvałtoŭna vyvieźli ŭ Biełharodskuju vobłaść, dzie trymali pad achovaj i katavali. U niejki momant jaho źmiaścili ŭ zakapanuju ŭ ziamlu «trunu» — draŭlanaje zbudavańnie, dzie jon pravioŭ 12 sutak.
Sam Siamionaŭ kaža, što jaho vykrali kala mietro ŭ Pieciarburhu. Jon źviazvaje heta z rasśledavańniem pra dziejnaść PVK. Pavodle jaho słoŭ, da złačynstva datyčnyja i inšyja ludzi, ale jany nie pakaranyja.
Cimochaŭ pryznaŭ vinu i pajšoŭ na ździełku sa śledstvam, daŭšy pakazańni na zasnavalnika PVK Alaksieja Maruščanku. Toj znachodzicca pad aryštam ź lutaha 2025 hoda i prachodzić pa šerahu ciažkich abvinavačvańniaŭ — ad machlarstva da arhanizacyi hvałtoŭnych złačynstvaŭ.