Prezident Polščy pazbaviŭ Zialenskaha Ordena Biełaha Arła — najvyšejšaj dziaržaŭnaj uznaharody krainy
Pryčynaj stała rašeńnie Zialenskaha prysvoić adnamu z padraździaleńniaŭ Sił śpiecyjalnych apieracyj Ukrainy nazvu «imia Hierojaŭ UPA».
Karal Naŭrocki. Fota: Mateusz Slodkowski / Getty Images
Prezident Polščy Karal Naŭrocki aficyjna adklikaŭ u prezidenta Ukrainy Uładzimira Zialenskaha Orden Biełaha Arła. Heta najvyšejšaja dziaržaŭnaja ŭznaharoda Polščy.
Zialenski atrymaŭ orden u krasaviku 2023 hoda z ruk Andžeja Dudy. Tady hety krok nazyvali simvałam histaryčnaha zbližeńnia dvuch narodaŭ, a ŭznaharodu prysudzili za vybitnyja zasłuhi ŭ pahłybleńni adnosin i supracoŭnictva ŭ śfiery biaśpieki.
Ciapierašni krok Varšavy spravakavała rašeńnie Zialenskaha prysvoić adnamu z elitnych padraździaleńniaŭ Sił śpiecyjalnych apieracyj Ukrainy aficyjnaje najmieńnie «imia Hierojaŭ UPA».
U Polščy, dzie baluča staviacca da pamiaci pra Vałynskuju trahiedyju, heta vyklikała chvalu abureńnia.
Polski prezident paśla kansultacyj pryniaŭ kančatkovaje rašeńnie ab pazbaŭleńni ŭznaharody prezidenta Ukrainy, padkreśliŭšy, što «achviaram našych prodkaŭ nielha zdradzić maŭčańniem». Pavodle jaho słoŭ, u dvuchbakovych adnosinach isnujuć vyraznyja miežy, za jakija Kijevu pierachodzić nie dazvolena.