Tramp znoŭ pahražaje Iranu vielmi mocnymi ŭdarami. Pakul Vens sprabuje damovicca ŭ Šviejcaryi
Prezident ZŠA zapatrabavaŭ, kab Iran spyniŭ vykarystoŭvać svaich proksi.
Donald Tramp. Fota: Alex Brandon-Pool/Getty Images
Donald Tramp pryhraziŭ Iranu novymi ŭdarami, kali Tehieran nie spynić vykarystoŭvać svaich proksi ŭ Livanie dla stvareńnia napružanaści.
Takuju zajavu Tramp zrabiŭ na fonie mirnych pieramoŭ u Šviejcaryi.
«Iran pavinien nieadkładna spynić svaich vysokaapłatnych proksi ŭ Livanie, jakija stvarajuć prablemy. Kali jany hetaha nie zrobiać, my znoŭ vielmi mocna ŭdarym pa Iranie, jak zrabili heta na minułym tydni, tolki jašče macniej!» — napisaŭ Tramp u svajoj sacsietcy.
Siońnia ž u Šviejcaryi pačalisia pieramovy ZŠA i Irana. Amierykanskuju delehacyju ŭznačalvaje vice-prezident Džej Dzi Vens, a iranskuju — śpikier parłamienta Machamad-Bahier Halibaf.
18 červienia prezidenty ZŠA i Irana padpisali miemarandum ab uzajemarazumieńni. Paśla hetaha Tehieran adkryŭ Armuzski praliŭ, adnak praz dva dni znoŭ jaho zakryŭ — praz adnaŭleńnie bajavych dziejańniaŭ u Livanie.
Čytajcie taksama:
Na fonie niavyznačanaści adnosna pieramoŭ ź Iranam prezident ZŠA vypraviŭsia ŭ Kemp-Devid
ZŠA źniali marskuju błakadu Irana
Piezieškijan nazvaŭ miemarandum z ZŠA histaryčnym
Vens zaklikaŭ Iran pavodzić siabie jak narmalnaja kraina
Źjaviŭsia poŭny tekst mierkavanaha amierykanska-iranskaha miemaranduma ab spynieńni vajny ŭ Iranie