USU nanieśli rakietny ŭdar pa zavodzie VPK u Varoniežy. U dzionny čas
Mahutnyja słupy dymu ŭzdymajucca z dvuch bakoŭ VZPP-Zborka, jakoje vyrablała mikraelektroniku dla «Iskanderaŭ», Ch-101 i «Pancyraŭ».
Heta pradpryjemstva, padobnaje da minskaha «Intehrała». Na im vyrablali detali (paŭpravadnikovyja matrycy i zborki) dla rakiet «Iskander», Ch-101 i rakiet dla ZRK «Pancyr».
Rasijskija ŚMI śćviardžajuć, što ŭdar byŭ naniesieny tryma brytanskimi rakietami Storm Shadow. Miarkujučy ź videa, usie try trapili dakładna ŭ cel.
Adlehłaść Varonieža ad linii frontu naŭprost składaje kala 230 km.