U Minsku padletak parezaŭ siabie i chacieŭ skoknuć z mosta

Padletka pa-za aharodžaj zaŭvažyli na puciepravodzie pamiž Čyžoŭskim vadaschoviščam i rakoj Śvisłač.

Skrynšot ź videa

Padletak byŭ u ciažkim emacyjnym stanie i ŭžo mieŭ parezy na rukach, tvary i pieradpleččach.

Na miesca prybyli supracoŭniki patrulna-pastavoj słužby, ratavalniki MNS, vadałaz i miedyki. Bolš za paŭhadziny jany razmaŭlali z padletkam, sprabujučy pierakanać jaho admovicca ad niebiaśpiečnaha kroku. Junak, adnak, nie dazvalaŭ nablizicca da siabie i zastavaŭsia niepachisnym, čas ad času zdymajučy ruki z parenčaŭ.

Adnak u peŭny momant uvahu chłopca adciahnuła zhasłaje aśviatleńnie. Skarystaŭšysia situacyjaj, supracoŭniki milicyi i MNS chutka schapili padletka za vierchniaje adzieńnie i pieraciahnuli jaho nazad na most. Tak udałosia paźbiehnuć trahiedyi.

Kamientary da artykuła