U Hrodnie było ŭzharańnie ŭ dziciačym sadzie, dziaciej evakujavali
Sihnał pra ŭzharańnie ŭ hrodzienskaj daškolnaj ustanovie na vulicy Dziaržynskaha pastupiŭ na numar 112 dniom 22 červienia, paviedamlaje pres-słužba MNS.
Skrynšot ź videa
Dla likvidacyi nastupstvaŭ zdareńnia na miesca vyjazdžali 10 adzinak techniki MNS.
Prybyŭšy na miesca, ratavalniki vyśvietlili, što pryčynaj zadymleńnia i spracoŭvańnia pažarnaj sihnalizacyi stała karotkaje zamykańnie elektryčnaj plity.
Rabotniki dziciačaha sada samastojna patušyli ŭzharańnie z dapamohaj vohnietušycielaŭ. Administracyja ŭstanovy evakujavała 54 čałavieki, u tym liku 36 dziaciej. U vyniku zdareńnia nichto nie paciarpieŭ.
Supracoŭniki MNS dadatkova ahledzieli pamiaškańni i pierakanalisia, što pahrozy paŭtornaha ŭzharańnia niama.