Mahiloŭka chacieła prykuryć ad hazavaj plity i praz dva tydni pamierła ad apiokaŭ
Inšy trahičny vypadak zdaryŭsia ŭ Bychaŭskim rajonie. Na mužčynie zaharelisia štany, i jon nieŭzabavie pamior.
57‑hadovaja žančyna ŭ svajoj kvatery, pasprabavała prykuryć cyharetu ad ahniu hazavaj plity, adnak na joj zaharełasia adzieńnie.
Ź vialikimi termičnymi apiokami žančynu špitalizavali, ale daktaram nie ŭdałosia vyratavać paciarpiełuju — praz dva z pałovaj tydni jana pamierła.
Ekśpiertyza Dziaržkamiteta sudovych ekśpiertyz ustanaviła najaŭnaść u pamierłaj termičnych apiokaŭ połymiem 2, 3 i 4 stupieni kala 48% cieła i termainhalacyjnaj traŭmy, jakija pryviali da raźvićcia ciažkaha ŭskładnieńnia — apiokavaj chvaroby ź sistemnym zapaleńniem, što i stała pryčynaj śmierci.
Takaja ž pryčyna hibieli i ŭ 65‑hadovaha žychara Bychaŭskaha rajona. Mužčyna dapamahaŭ pažyłoj susiedcy tušyć suchuju travu, kali na im zaharelisia štany.
U suviazi z chutkim raspaŭsiudžvańniem ahniu jon nie zmoh patušyć połymia samastojna.
U vyniku sielski žychar atrymaŭ termičnyja apioki 2, 3 i 4 stupieni na 31% pavierchni cieła i praz tydzień pamior u balnicy.