Siaredni zarobak vyras da troch tysiač rubloŭ
U paraŭnańni ź minułym miesiacam jon vyras na 50 rubloŭ
Siaredni naličany (to-bok «brudnymi») zarobak u mai ŭ Biełarusi skłaŭ 3003,5 rubla, paviedamlaje Biełstat.
U krasaviku jon składaŭ 2952 rubli, to-bok vyras na 50 rubloŭ.
Kali ž brać čystymi, to zarobak u mai budzie 2583 rubli, a kali brać siaredni kurs dalara za maj, to heta budzie 1081 dalar «brudnymi» i $929,7 «čystymi».
Za košt padzieńnia siaredniaha kursu dalara ŭ mai (amierykanskaja valuta apuskałasia za 2,8 rubla i navat za 2,73), jon prykmietna vyras. Siaredni zarobak za krasavik składaŭ 1032 dalary «brudnymi» i 887 «čystymi».
U Minsku siaredni zarobak «brudnymi» składaje 3891 rubiel i 3346 «čystymi».
U dalarach heta 1400 dalaraŭ «brudnymi» i 1204 dalary «čystymi».
Za košt padzieńnia kursu dalara ŭ mai jon niabłaha vyras: za krasavik było $1359 «brudnymi» i $1168,9 «čystymi».