Na Kamaroŭcy źjavilisia pieršyja čarnicy: kolki kaštujuć?
Na Kamaroŭskim rynku startavaŭ siezon čarnic.
Ceny na pieršyja lasnyja jahady pakul kusajucca: za paŭlitrovy kubačak čarnic pradaŭcy prosiać 10 rubloŭ. Kali kuplać na vahu, to cana za kiłahram pačynajecca ad 23 rubloŭ.
Zatoje ceny na inšyja siezonnyja jahady vyhladajuć bolš pryvabna. Tak, kłubnicy ŭžo možna znajści ad 5 rubloŭ za kiłahram.
Siońniašnija ceny na Kamaroŭcy (za kiłahram):
čarešnia — ad 7,90 rub.;
čornyja parečki — ad 9,90 rub.;
višni — ad 10 rub.;
sunicy — ad 12 rub. za 0,5 ł;
maliny — ad 30 rub.;
bujaki — ad 39,90 rub.;
zialony harošak — ad 3 rub. za 100 h.