Apieratara A1 źbirajucca pakarać za prymusovy pieravod karystalnikaŭ na bolš darahi taryf
Viarchoŭny Sud padtrymaŭ rašeńnie Ministerstva antymanapolnaha rehulavańnia i handlu i pryznaŭ mabilnaha apieratara A1 vinavatym u złoŭžyvańni svaim stanoviščam na rynku.
Historyja pačałasia minułym letam, kali kampanija zakryła z 1 červienia 2025 hoda papularnyja taryfy «Bieź Limitu» i «Bieź Limitu 2.0», a karystalnikaŭ prymusova pieraviała na bolš darahi taryf «Drajv Anlim».
Antymanapolnaje viedamstva paličyła takija dziejańni niezakonnym naviazvańniem pasłuh, z čym A1 nie pahadziŭsia i pasprabavaŭ abskardzić vierdykt u vyšejšaj sudovaj instancyi.
Adnak sudovaja kalehija pa ekanamičnych spravach stała na bok MARH i admoviła apierataru. Ciapier kampanii A1 pahražaje hihancki štraf, jaki moža skłaści da dziesiaci pracentaŭ ad hadavoj vyručki kampanii na hetym rynku.
U mabilnaha apieratara jašče zastajecca mahčymaść padać apielacyju.