Kab abyści sankcyi, Alfa Bank pierajmienavaŭ svoj mabilny dadatak dla ajfonaŭ u «Razumny spadarožnik»
Karystalniki hadajuć, praz kolki Apple zrazumieje, što jaho naduryli.
Alfa Bank pamianiaŭ nazvy i źniešni vyhlad svaich mabilnych prahram, kab imi znoŭ mahli karystacca ŭładalniki iPhone.
Paśla ŭstanoŭki nazvy i znački prahram buduć adroźnivacca ad zvykłych, ale paśla ŭvachodu karystalniki ŭbačać znajomyja prahramy INSNC i «Alfa Biznes Mobajł».
Ciapier zamiest INSNC treba spampavać prahramu «Razumny spadarožnik», a dla vykarystańnia «Alfa Bizns Mobajł» — prahramu BizKey.
Pavodle infarmacyi banka, paśla ŭstanoŭki klijenty atrymajuć samyja aktualnyja viersii prahram z usimi novymi funkcyjami, jakija źjavilisia sa śniežnia minułaha hoda.
Adznačajecca, što pakul ustalavańnie prahramy z App Store dastupnaje tolki dla rehijonaŭ Biełaruś i Rasija.