Каб абысці санкцыі, Альфа Банк перайменаваў свой мабільны дадатак для айфонаў у «Разумны спадарожнік»
Карыстальнікі гадаюць, праз колькі Apple зразумее, што яго надурылі.
Альфа Банк памяняў назвы і знешні выгляд сваіх мабільных праграм, каб імі зноў маглі карыстацца ўладальнікі iPhone.
Пасля ўстаноўкі назвы і значкі праграм будуць адрознівацца ад звыклых, але пасля ўваходу карыстальнікі ўбачаць знаёмыя праграмы INSNC і «Альфа Бізнэс Мобайл».
Цяпер замест INSNC трэба спампаваць праграму «Разумны спадарожнік», а для выкарыстання «Альфа Бізнс Мобайл» — праграму BizKey.
Паводле інфармацыі банка, пасля ўстаноўкі кліенты атрымаюць самыя актуальныя версіі праграм з усімі новымі функцыямі, якія з'явіліся са снежня мінулага года.
Адзначаецца, што пакуль усталяванне праграмы з App Store даступнае толькі для рэгіёнаў Беларусь і Расія.