U byłoha jezuickaha kaścioła ŭ Babrujsku abvaliłasia ściana
Były jezuicki kaścioł u Babrujsku — najstarejšy budynak u horadzie.
Jon šmat hadoŭ staić zakinuty. Niezaŭvažna dla ŭsich abvaliłasia pravaja sakrystyja kaścioła.
Zdymak abvalenaj ściany zrabili jašče ŭ krasaviku. Fota: bobr.by
Kaścioł byŭ uźviedzieny ŭ styli baroka ŭ 1745—1747 hadach. Prajekt jaho rabiŭ vilenski architektar Tamaš Žabroŭski. Da našaha času chram dajšoŭ u mocna pierabudavanym vyhladie. Jon adniesieny da historyka-kulturnych kaštoŭnaściaŭ.
Tak były kaścioł vyhladaŭ u 2011 hodzie. Fota: bobruin.by
Pry kaściole kaliści byli biblijateka, škoła i teatr. Pry Rasijskaj impieryi tut pačali budavać krepaść, a ŭ chramie zrabili skład zbroi.
Fota: poshyk.info
Za savieckim časam u budynku była vajennaja turma (haŭptvachta). Jaje zakryli tolki ŭ pačatku nulavych. Paśla hetaha kaścioł pustavaŭ.
Unutry byłoha kaścioła, jaki za savieckim časam byŭ haŭptvachtaj, 2011 hod. Fota: bobruin.by
U 2011 i 2012 hadach u budynku zdaryŭsia pažar, chram mocna paškodziŭsia, paśla čaho staŭ chutčej razburacca.
Tak vyhladaŭ były chram u 2023 hodzie. Fota: poshyk.info
Razbureńni ŭnutry paśla pažaru, 2023 hod. Fota: poshyk.info