U druz. Źjaviłasia fota nastupstvaŭ udaru «Fłaminha» pa zavodzie ŭ Vałhahradzie, dzie mohuć vyrablać «Arešnik»
Vałhahradski zavod «Tytan-Barykady» byŭ abstralany 27 červienia. Udaryli jak minimum piaćciu rakietami, paśla čaho ŭźnikli pažary.
Fota: telehram-kanał Exilenova+
Źjaviłasia fota nastupstvaŭ udaru USU pa zavodzie ŭ Vałhahradzie, dzie mohuć vyrablać «Arešnik».
Udaru ŭkrainskich rakiet «Fłaminha» padvierhsia vytvorčy korpus cecha № 38, piša ŭkrainski OSINT-kanał Exilenova+.
Vałhahradski zavod «Tytan-Barykady» byŭ abstralany 27 červienia. Udaryli jak minimum piaćciu rakietami, paśla čaho ŭźnikli pažary.
Pavodle danych Hałoŭnaha ŭpraŭleńnia raźviedki Ministerstva abarony Ukrainy, pradpryjemstva ŭ Vałhahradzie ŭvachodzić u dziaržaŭnuju karparacyju «Raskosmas» i źjaŭlajecca raspracoŭščykam i vytvorcam samachodnaj puskavoj ustanoŭki ATRK «Iskander-M», aŭtanomnaj puskavoj ustanoŭki rakietnaha kompleksu «Tapola-1». Tam mohuć vyrablać i «Arešnik», pra miescy vyrabu jakoha pakul viadoma mienš.