Juryj Drakachrust skončyŭ pracu na «Radyjo Svaboda»
Jon pryśviaciŭ «Radyjo Svaboda» bolš za 35 hadoŭ.
Fota: yury.drakakhrust / Facebook
Viadomy biełaruski palitołah i žurnalist Juryj Drakachrust abviaściŭ pra zakančeńnie svajho kantraktu z «Radyjo Svaboda». Jon paviedamiŭ, što siońnia — jaho apošni pracoŭny dzień u štacie vydańnia.
65‑hadovy Juryj Drakachrust pracavaŭ u pražskim ofisie «Svabody» z krasavika 2000 hoda, adnak jaho supracoŭnictva z amierykanskaj karparacyjaj pačałosia jašče raniej — u sakaviku 1991 hoda ŭ jakaści fryłansiera ŭ Minsku.
Žurnalist padziakavaŭ kaleham za supracu, a taksama vykazaŭ udziačnaść za mahčymaść samarealizacyi.
«Škada sychodzić. Ale tak składvajecca žyćcio. I jano praciahvajecca. Jak pisaŭ kłasik, «tak ci hetak — niejak budzie», — napisaŭ jon.
Juryj Drakachrust byŭ aŭtaram šmatlikich papularnych pieradač i dyskusij na «Radyjo Svaboda», vioŭ analityčnuju prahramu «Pražski akcent».
U 2024 hodzie byŭ zavočna asudžany ŭ Biełarusi da 10 hadoŭ pazbaŭleńnia voli pa sfabrykavanaj, palityčna matyvavanaj spravie «analitykaŭ Śviatłany Cichanoŭskaj».