11 čałaviek zahinuli ŭ Francyi pry krušeńni pryvatnaha samalota ź miedsiostrami
Na paŭnočnym uschodzie Francyi paciarpieŭ krušeńnie pryvatny samalot, u vyniku čaho zahinuli 11 čałaviek. Trahiedyja adbyłasia ranicaj 28 červienia niepadalok ad Nansi, paviedamlaje Bild.
Fota ilustracyjnaje
Pavodle papiaredniaj infarmacyi, zarehistravany ŭ Hiermanii samalot Pilatus PC-6 raźbiŭsia nieŭzabavie paśla ŭźlotu, upaŭšy na darohu kala supiermarkieta.
Pavodle infarmacyi miascovych ŚMI, na borcie znachodziłasia hrupa miedsiostraŭ, jakija płanavali ździejśnić tandemnyja skački z parašutam. Siarod zahinułych, mierkavana, piłot, piać instruktaraŭ pa parašutnym sporcie i piać vučniaŭ.
Paviedamlajecca, što trom ludziam udałosia vyskačyć z samalota padčas krušeńnia.
Na miescy zdareńnia pracujuć kala 50 ratavalnikaŭ. Ministr unutranych spraŭ Francyi Łaran Nuńjes paviedamiŭ, što nakirujecca na miesca avijakatastrofy. Pryčyny zdareńnia pakul vyśviatlajucca.
Čytajcie taksama:
U Piekinie samalot urezaŭsia ŭ samy vysoki chmaračos
U Varšavie paciarpieŭ katastrofu lohkamatorny samalot
Suzasnavalnik Ubisoft Kłod Hijo zahinuŭ padčas krušeńnia samalota ŭ Francyi