Za vychadnyja ŭ Biełarusi patanuli 15 čałaviek
Na vadajomach Biełarusi za minułyja vychadnyja zahinuli 15 čałaviek, jašče 27 udałosia vyratavać, padzialiłasia sumnaj statystykaj Tavarystva ratavańnia na vodach.
Zdymak ilustracyjny. Fota: «Naša Niva»
Pavodle danych Tavarystva, 27 i 28 červienia na vadajomach krainy adbyłosia 15 trahiedyj, u vyniku jakich zahinuli ludzi, jašče 27 ludziej, što adpačyvali kala vady, byli vyratavanyja.
Ratavalniki papiaredžvajuć žycharoŭ ab nieabchodnaści zachoŭvać aściarožnaść, asabliva ŭ pieryjad anamalnaj śpioki, kali kolkaść adpačyvalnikaŭ kala vady rezka ŭzrastaje.
U Tavarystvie ratavańnia na vodach nahadvajuć, što bolšaść trahiedyj na vadzie adbyvajecca z-za parušeńnia elemientarnych pravił biaśpieki.
Śpiecyjalisty rekamiendujuć:
- kupacca tolki ŭ abstalavanych miescach;
- nie zachodzić u vadu ŭ stanie ałkaholnaha apjanieńnia;
- nie pakidać dziaciej biez nahladu navat na miełkavodździ;
- nie zapłyvać daloka i nie pieraaceńvać svaje siły.
Va ŭmovach anamalnaj śpioki ratavalniki taksama rajać nie zachadzić rezka ŭ chałodnuju vadu paśla praciahłaha znachodžańnia na soncy, pakolki rezki pierapad tempieratur moža pryvieści da paharšeńnia samaadčuvańnia i straty prytomnaści.
Čytajcie taksama:
Na Śviatym voziery ŭ Mahilovie patanuŭ padletak
U Jeŭropie praz ekstremalnuju śpiakotu zahinuli ŭžo dziasiatki ludziej