U Biełarusi stvarajuć Akademiju nacyjanalnaj adukacyi
U Biełarusi budzie stvorana Akademija nacyjanalnaj adukacyi. Adpaviednuju pastanovu padpisaŭ premjer-ministr Alaksandr Turčyn. Novaja ŭstanova źjavicca ŭ vyniku rearhanizacyi Akademii adukacyi.
Budynak Akademii adukacyi na vulicy Niakrasava ŭ Minsku. Fota: «Jandeks-Karty»
Da raniejšaj Akademii adukacyi buduć dałučanyja Respublikanski instytut prafiesijnaj adukacyi i Respublikanski instytut vyšejšaj škoły.
Jak paviedamlaje pres-słužba ŭrada, Akademija nacyjanalnaj adukacyi budzie zajmacca navukova-mietadyčnym supravadžeńniem usich uzroŭniaŭ adukacyi — ad daškolnaj da vyšejšaj, a taksama sistemaj dadatkovaj adukacyi dziaciej, moładzi i darosłych.
Akramia taho, novaja struktura budzie adkazvać za pavyšeńnie kvalifikacyi i pierapadrychtoŭku piedahahičnych rabotnikaŭ.
Čytajcie taksama:
Zaraz i biełaruskich akcioraŭ buduć rusifikavać — praz VHIK
Chto zabaraniaje ŭ Biełarusi knihi — voś hetyja 22 čałavieki