U Viciebsku vybrali sabie turystyčny simvał
Turystyčnym simvałam Viciebskaj vobłaści staŭ miadźviedź. Mienavita pad hetym brendam rehijon płanuje prasoŭvać svoj turystyčny patencyjał, paviedamlaje hazieta «Vićbičy».
Zdymak ilustracyjny. Fota: magnific.com
Novy turystyčny vobraz byŭ pradstaŭleny padčas XIII Forumu rehijonaŭ Biełarusi i Rasii, jaki niadaŭna prajšoŭ u Minsku i Minskaj vobłaści. Pavodle pradstaŭnikoŭ Viciebskaha abłvykankama, udzielniki i hości forumu stanoŭča acanili novy simvał.
Papularyzavać brend płanujuć i padčas sioletniaha Mižnarodnaha fiestyvalu mastactvaŭ «Słavianski bazar», jaki startuje ŭ Viciebsku 14 lipienia.
Jak adznačajecca, vybar miadźviedzia ŭ jakaści simvała supadaje z tendencyjaj rostu papulacyi hetaj žyvioły ŭ Biełarusi. Pavodle śpiecyjalistaŭ, u apošnija hady ŭ krainie ŭsio čaściej sustrakajucca miadźviedzicy z tryma abo čatyrma miedźviedzianiatami, što ličycca redkaj źjavaj dla hetaha vidu.
Čytajcie taksama:
La Chatyni sustreli miadźviedzicu ź miedźviedzianiatami
Vyznačyli datu, kali palaŭničyja razyhrajuć prava zastrelić pieršych z 35 miadźviedziaŭ
U Šumilinskim rajonie da škoły pryjšło miedźviedziania VIDEA