У Віцебску выбралі сабе турыстычны сімвал
Турыстычным сімвалам Віцебскай вобласці стаў мядзведзь. Менавіта пад гэтым брэндам рэгіён плануе прасоўваць свой турыстычны патэнцыял, паведамляе газета «Віцьбічы».
Здымак ілюстрацыйны. Фота: magnific.com
Новы турыстычны вобраз быў прадстаўлены падчас XIII Форуму рэгіёнаў Беларусі і Расіі, які нядаўна прайшоў у Мінску і Мінскай вобласці. Паводле прадстаўнікоў Віцебскага аблвыканкама, удзельнікі і госці форуму станоўча ацанілі новы сімвал.
Папулярызаваць брэнд плануюць і падчас сёлетняга Міжнароднага фестывалю мастацтваў «Славянскі базар», які стартуе ў Віцебску 14 ліпеня.
Як адзначаецца, выбар мядзведзя ў якасці сімвала супадае з тэндэнцыяй росту папуляцыі гэтай жывёлы ў Беларусі. Паводле спецыялістаў, у апошнія гады ў краіне ўсё часцей сустракаюцца мядзведзіцы з трыма або чатырма медзведзянятамі, што лічыцца рэдкай з'явай для гэтага віду.
Чытайце таксама:
Ля Хатыні сустрэлі мядзведзіцу з медзведзянятамі
Вызначылі дату, калі паляўнічыя разыграюць права застрэліць першых з 35 мядзведзяў