U Biełarusi pad Kolu Łukašenku stvorać admysłovy centr «śpiecyjalnaściaŭ budučyni»
Padčas razmovy z baćkami vypusknikoŭ sumiesnaj biełaruska-kitajskaj prahramy BDU i Piekinskaha ŭniviersiteta, dzie vučyŭsia Mikałaj Łukašenka, jaho baćka Alaksandr Łukašenka anansavaŭ stvareńnie navukova-adukacyjnaha centra budučyni dla samych talenavitych.
Alaksandr Łukašenka praciahvaje supravadžać pa žyćciovym šlachu małodšaha syna. Skončyŭšy ź Mikałajem škołu i ŭniviersitet, Alaksandr Łukašenka ŭziaŭsia za pracaŭładkavańnie syna.
Pra budučaje pracaŭładkavańnie Łukašenka pahavaryŭ paśla ŭručeńnia dypłomaŭ z baćkami čatyroch vypusknikoŭ, što vučylisia razam z Kolem na kitajska-biełaruskaj prahramie pa bijatechnałohijach.
Łukašenka skazaŭ im, što dzieci ŭ ich dobryja, i što jon ciapier užo budzie «nahladać, kab jany narmalna pracavali».
Akazałasia, što dla samych talenavitych śpiecyjalistaŭ, pa słovach Łukašenki, u krainie budzie stvorany śpiecyjalny centr prafiesij budučyni (a bijatechnałohii — heta budučynia, davioŭ Łukašenka).
«Budziem navučać pa troch-čatyroch śpiecyjalnaściach budučyni. Tamu, mahčyma, jany [vypuskniki sumiesnaj biełaruska-kitajskaj prahramy] tudy i trapiać», — skazaŭ Alaksandr Łukašenka.
Imavierna, jon užo viedaje, chto najbolš talenavity i chto tudy trapić dakładna.
U lutym mama Koli Iryna Abielskaja na fakultecie Koli ŭžo adkryła najsučaśniejšuju bijałabaratoryju. Łabaratoryja źjaŭlajecca sučasnym vysokatechnałahičnym centram, skazała Abielskaja.