U Biełaruskim dziaržaŭnym univiersitecie na bijałahičnym fakultecie pačała pracavać novaja łabaratoryja strukturnaj i funkcyjanalnaj bijałohii białku. Va ŭračystym adkryćci ŭziali ŭdzieł pradstaŭniki dziaržaŭnych orhanaŭ, navukovaj supolnaści i kiraŭnictva ŭniviersiteta. Była i kiraŭnica Respublikanskaha kliničnaha miedycynskaha centra, sienatarka Iryna Abielskaja — maci Koli Łukašenki, jaki akurat na hetym fakultecie i vučycca.
Vystupajučy na adkryćci, Iryna Abielskaja adznačyła, što łabaratoryja źjaŭlajecca sučasnym vysokatechnałahičnym centram, jaki budzie karysny dla raźvićcia miedycyny, achovy zdaroŭja, sielskaj haspadarki i ekałohii. Jana padkreśliła, što važna aktyŭna vykarystoŭvać jaje mahčymaści ŭ praktyčnaj rabocie.
Heta łabaratoryja zajaŭlajecca jak adzinaja ŭ Biełarusi kompleksnaja placoŭka, dzie možna rabić poŭny cykł daśledavańniaŭ białku: ad jaho atrymańnia da detalovaha vyvučeńnia struktury, ułaścivaściaŭ i funkcyjanalnaha ŭzajemadziejańnia. Padčas adkryćcia studenty bijafaka pradstavili pieršyja vyniki svajoj raboty na novym abstalavańni.
Stvareńnie łabaratoryi źviazana ź nieabchodnaściu sučasnaj padrychtoŭki studentaŭ u miežach sumiesnaj adukacyjnaj prahramy BDU i Piekinskaha ŭniviersiteta ŭ śfiery bijatechnałohij. Studenty buduć pracavać z unikalnym abstalavańniem, vyvučać białkovyja malekuły z vysokaj dakładnaściu, kultyvavać kletki, sintezavać białok u sterylnych umovach i kłanavać hieny. Łabaratoryja maje miždyscyplinarny charaktar: tut zmohuć zajmacca mikrabijołahi, bijatechnołahi, bijainžyniery i bijachimiki.
U Viciebskaj balnicy chutkaj dapamohi zaliło vadoj apieracyjny błok. Minzdaroŭja: abstalavańnie nie paciarpieła
Były dyrektar Liceja BDU raskazaŭ, jak Kola Łukašenka niečakana jamu dapamoh
Himnazija Iryny Abielskaj źmianiła ŭłaśnika i zasakreciła jaho imia
Syn Iryny Abielskaj uvachodzić u kiraŭnictva BNBK. A były premjer Kyrhyzstana zvalniaŭsia adtul sa skandałam
«Pryhožaja i dastojnaja łedzi!» Boty šalona chvalać Abielskuju
Abielskaja raskazała pra ŭnuka
Kamientary