Viciebskaha taksista ŭ vieraśni 2020‑ha sudzili pa 23.34. A ŭ 2026‑m jon pajechaŭ pamierci za Pucina
«Našaj Nivie» stała viadoma pra jašče adnu achviaru vajny, 56‑hadovaha Viktara Hryhorjeva. Hety viciebski taksist u 2020‑m demanstratyŭna hučna ŭklučyŭ Coja na zapraŭcy pobač ź milicejskim bobikam, za što i byŭ zatrymany. I voś jak skłaŭsia jaho los.
Viktar Hryhorjeŭ. Fota: UKantakcie
Viktar Hryhorjeŭ naradziŭsia ŭ Viciebsku, pracavaŭ taksistam. Adziny varty zapis pra jaho ŭ bazie Belpol składajecca z taho, što ŭ vieraśni 2020 hoda Hryhorjeŭ byŭ asudžany pa narodnym artykule 23.34.
Paśla hetaha viciebčuka dadali ŭ bazu «BIESporiadki». Heta takaja baza, jakuju viaduć represiŭnyja orhany i kudy ŭnosiać palityčna niełajalnych biełarusaŭ z historyjaj antyłukašenkaŭskaj aktyŭnaści.
Jak dadatkova ŭdakładniła «Naša Niva», niepasredna Hryhorjeva sudzili za toje, što jon demanstratyŭna hučna ŭklučyŭ Coja na zapraŭcy, u momant kali pobač stała milicejskaja mašyna.
Pieśnia Coja «Pieramien» u 2020 stała adnym ź nieaficyjnych himnaŭ pratestu dyktatury, bo jaje sens dakładna adlustroŭvaŭ masavyja nastroi.
Viktar Hryhorjeŭ źleva, u Viciebsku z tavaryšam. Fota: UKantakcie
Što pryviało ŭžo niemaładoha Hryhorjeva na front na baku Rasii ŭ 2026‑m — nieviadoma. Ale fakt u tym, što ciapier jon ličycca źnikłym bieź viestak.