Časovy dach na domie ŭ centry Minska, jaki paciarpieŭ ad pažaru, skončać stavić užo zaŭtra
Jak paviedamili ŭ Minharvykankamie paśla narady pad kiraŭnictvam staršyni harvykankama Uładzimira Kucharava, da kanca dnia 3 lipienia na domie № 9 na vulicy Lenina ŭ Minsku płanujecca ŭstalavać časovuju dachavuju kanstrukcyju.
Skrynšot ź videa Minharvykankama
Ciapier na hetym domie, jaki mocna paciarpieŭ ad pažaru, zaviaršyli razbor i vyvaz paškodžanych kanstrukcyj. U adnaŭlenčych rabotach zadziejničanyja 153 čałavieki.
Na hety momant śpiecyjalisty ŭžo vykanali raźliki tryvałaści krokviennaj sistemy, vyznačyli nieabchodnuju kolkaść budaŭničych materyjałaŭ i raspracoŭvajuć schiemu mantažu krokvaŭ i macavańniaŭ. Dla kantrolu za chodam rabot na abjekcie štodnia pravodziacca vyjaznyja narady.
Pažar u šaścipaviarchovym domie na vulicy Lenina pačaŭsia ŭviečary 28 červienia. Paviedamleńnie pra ŭzharańnie pastupiła paśla taho, jak kiraŭnik adnoj z kampanij, ofis jakoj znachodzicca ŭ budynku, adčuŭ pach haru i paviedamiŭ pra heta ŭ MNS. Ahoń achapiŭ bolš za tysiaču kvadratnych mietraŭ. Likvidavać pažar poŭnaściu ŭdałosia tolki ŭnačy 30 červienia. Na čas praviadzieńnia adnaŭlenčych rabot žycharoŭ doma časova raśsialili.
Čytajcie taksama:
Biełarusy ŭsim Threads prapanujuć dapamohu paciarpiełym žycharam Lenina, 9
Voś jak vyhladaje dach doma na vulicy Lenina ŭ Minsku paśla vialikaha pažaru FOTAFAKT
Pažar patušyli, ale kvatery zalili. Śpiecyjalisty pra toje, jak acanić škodu
Jak vyhladajuć kvatery ŭ domie ŭ centry Minska paśla pažaru FOTY, VIDEA
«My ŭ šoku i razhublenaści». Što adbyvajecca na miescy pažaru ŭ domie ŭ centry Minska