Užo amal piać hadzin pažarniki nie mohuć zhasić pažar na histaryčnym budynku ŭ centry Minska
Pažar u šaścipaviarchovym žyłym domie na vulicy Lenina ŭ Minsku łakalizavany, ale jaho praciahvajuć tušyć, paviedamiła pres-słužba MNS.

Na miescy praciahvajuć pracavać padraździaleńni MNS. Da likvidacyi ŭzharańnia pryciahnutyja bolš za 20 adzinak techniki, u tym liku vosiem aŭtapadjomnikaŭ i inšych vyšynnych mašyn.
Pavodle infarmacyi MNS, ratavalniki vyratavali troch čałaviek, jašče piaciora byli evakujavanyja.
Ratavalnik Siarhiej Novik, jaki kiruje tušeńniem pažaru, paviedamiŭ, što płošča ŭzharańnia pieravyšaje 1000 kvadratnych mietraŭ. Harać krokviennyja kanstrukcyi na haryščy. Pavodle jaho słoŭ, supracoŭniki MNS pracujuć va ŭmovach vysokaj tempieratury i mocnaha zadymleńnia, robiačy ŭsio mahčymaje, kab nie dapuścić dalejšaha raspaŭsiudžvańnia ahniu.
Na miesca nadzvyčajnaj situacyi taksama prybyŭ ministr pa nadzvyčajnych situacyjach Vadzim Siniaŭski.
Kamientary