U Minsku na plažy zaŭvažyli žyvoha kraba VIDEA

Na plažy Cnianskaha vadaschovišča ŭ Minsku adpačyvalniki zaŭvažyli maleńkaha žyvoha kraba. Videa ź niezvyčajnaj znachodkaj źjaviłasia ŭ sacyjalnych sietkach.

Fota: threads.com/@nedvizhka_minsk

Na kadrach krab poŭzaje pa piasku, pakul pobač adpačyvajuć i kupajucca ludzi. Pavodle adnaho z kamientaroŭ, heta, imavierna, viasiołkavy krab, jakoha niechta nabyŭ u jakaści chatniaha hadavanca, ale paśla vypuściŭ u vadajom, nie zdoleŭšy zabiaśpiečyć naležny dohlad.

Posmotrieť v Threads

Karystalniki adznačajuć, što padobnyja vypadki zdarajucca i z čyrvonavuchimi čarapachami, jakich taksama časta vypuskajuć u biełaruskija vadajomy.

Mnohija kamientatary vykazali škadavańnie, što ŭ presnaj vadzie takoj žyviolinie budzie vielmi składana vyžyć. Niekatoryja spadziajucca, što kraba zabrali ludzi i źmiaścili ŭ bolš prydatnyja dla jaho ŭmovy.

Kamientary da artykuła