U nastupnyja dni ŭ Minsku moža być da 35 hradusaŭ, tamu haradskija plažy stanuć miescam pryciahnieńnia dla tysiač minčan. A dzie ŭ stalicy možna kupacca?
Śpiecyjalisty rajać vybirać aficyjnyja zony kupańnia — mienavita tut rehularna praviarajuć jakaść vady i sočać za biaśpiekaj adpačyvalnikaŭ. U stalicy takich plažaŭ 23, pišuć Minsk-naviny.
— Kožny prajšoŭ pravierku: tam ačyščana dno, adsutničajuć mocnyja płyni, jość usie ŭmovy dla kamfortnaha i biaśpiečnaha adpačynku, — adznačyŭ aficyjny pradstaŭnik MNS Jaŭhien Baranoŭski.
— Karta dastupnaja ŭ Telegram-kanale i na internet-partale MNS.
Zasłaŭskaje vadaschovišča — 8 plažaŭ: № 1—6, 8 i 9
Jak dabracca: na zvyčajnaj elektryčcy da prypynku «Minskaje mora», na aŭtobusach № 407 abo № 419 da prypynku «Minskaje mora», № 435 da prypynku «Sanatoryj «Junactva» (plaž № 9), na viełasipiedzie pa hałoŭnaj minskaj vieładarožcy.
Što jość: raspranalni, bijaprybiralni, prastornyja altanki z manhałami i lažakami, dziciačyja i spartyŭnyja placoŭki, vorkaut-zony, fud-korty i vodnyja zabavy.
Minusy: mała parkovačnych miescaŭ.
Da hetaha kupalnaha siezona abnavili plaž № 1. Tut stvaryli aharodžanuju placoŭku dla plažnaha futboła, uładkavali zručnuju draŭlanuju darožku da vady, a taksama ŭstalavali sučasnyja zony adpačynku z łaŭkami i stolikami.
Papularnaj fotałakacyjaj stali areli nad vadoj na plažy №4, adkul adkryvajecca malaŭničy vid na vadaschovišča.
Cnianskaje vadaschovišča — 6 plažaŭ: № 1—5 i 6 («Astraŭny»)
Jak dabracca: aŭtobusami № 13, 24, 35, 87s, 109V, 157, 162, 175s, tralejbusami № 1, 2, 46, 53 da adnajmiennaha prypynku. Taksama kala plažaŭ prachodzić vieładarožka.
Što jość: raspranalni, bijaprybiralni, fud-korty, zony barbiekiu i varkaut-placoŭki. Dla dziaciej jość atrakcyjony i placoŭki dla navučańnia płavańniu, a dla amataraŭ sportu — valejbolnyja i futbolnyja prastory, nastolny tenis i vodnyja zabavy.
Voziera Kamsamolskaje — plaž № 6
Jak dabracca: aŭtobusami № 1, 29, 29d, 136, 44, 69, 73, 91 da prypynku z adnajmiennaj nazvaj abo tralejbusami № 33, 38, 55, a taksama aŭtobusami № 62E, 76E i 133 da prypynku «Navavilenskaja».
Što jość: raspranalni, łaŭki z naviesami, dušavyja i dziciačyja placoŭki.
Minusy: niama stacyjanarnych manhałaŭ, płatny tualet.
Vadaschovišča Drazdy — 6 plažaŭ: № 2, 5—9
Jak dabracca: aŭtobusam № 91 da prypynku «Viaśninka, 10» abo aŭtobusami № 44, 119s, 136 da prypynku «Viaśninka». Na viełasipiedzie pa hałoŭnaj minskaj vieładarožcy.
Što jość: altanki z manhałami, lažaki, trenažory, parkavaja zona z vadaspadami, dušavyja, fud-korty i kaviarni.
Sioleta na vadaschoviščy zabaroniena kupańnie na plažy № 7.
Vadaschovišča Krynica — 2 plažy: № 3 i 4
Jak dabracca: aŭtobusam № 136 da prypynku «Azdaraŭlenčy centr «Ždanovičy» abo aŭtobusami № 414, 432, 435, 452 da prypynku «Centr reabilitacyi».
Što jość: šezłonhi, altanki, łaŭki, kabiny dla pieraapranańnia, cieniavyja naviesy, dušavyja ŭstanoŭki.
Pobač z vadaschoviščam — adna z samych adasoblenych plažnych zon. Tut panuje spakojnaja pryrodnaja atmaśfiera i zvyčajna mienš adpačyvalnikaŭ.
U Čyžoŭskim vadaschoviščy kateharyčna zabaroniena kupacca.
Vadajom techničny, i ŭtrymańnie zabrudžvalnych rečyvaŭ u vadzie i donnych adkładach šmatrazova pieravyšaje dapuščalnyja sanitarnyja normy.
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?88
Kamientary