Pucin i Tramp taksama praviali telefonnuju razmovu
Padčas razmovy prezidenty zakranuli kanflikt va Ukrainie.
Ilustracyjnaje fota z samita na Alascy ŭ minułym žniŭni. Fota: Jae C. Hong
Uładzimir Pucin i Donald Tramp taksama praviali telefonnuju razmovu. Pra heta paviedamiŭ pamočnik prezidenta RF Juryj Ušakoŭ. Pavodle jaho słoŭ, Pucin pavinšavaŭ Trampa z Dniom niezaležnaści ZŠA, pišuć rasijskija ŚMI.
Padčas razmovy prezidenty zakranuli kanflikt va Ukrainie, u tym liku ŭ kantekście płanaŭ Trampa pryniać udzieł u samicie NATA. Pucin, pavodle słoŭ Ušakova, «akreśliŭ realnuju karcinu na poli boju» i zajaviŭ, što rasijskija vojski nastupajuć pa ŭsioj linii bajavoha sudakranańnia.
Taksama Pucin zajaviŭ pra «pieravahu palityka-dypłamatyčnaha ŭrehulavańnia», ale z ulikam «pryncypovych rasijskich padychodaŭ».
Pavodle Ušakova, pasiarednickija namahańni ŭ pytańni ŭrehulavańnia kanfliktu va Ukrainie praciahnuć Styŭ Uitkaf i Džared Kušnier.
Tramp, jak śćviardžaje Kreml, adznačyŭ «vielizarnyja pierśpiektyvy» supracoŭnictva pamiž Rasijaj i ZŠA, jakija mohuć adkrycca paśla zaviaršeńnia kanfliktu va Ukrainie.