Milicyja zatrymała taho samaha rasijskaha turysta, jaki kinuŭ niedakurak na vulicy. Zaŭtra sud
Historyja ź niedakurkam stała šyroka viadomaja, bo małady muzykant-biełarus zrabiŭ zaŭvahu mužčynu, što toj śmiecić, a ŭ adkaz atrymaŭ maciernyja abrazy.
Milicyja vyličyła rasijanina, jaki kinuŭ niedakurak, pa videa.
Małady čałaviek išoŭ pa Niamizie, adnoj z centralnych vulic Minska z maci. Jon kinuŭ niedakurak jakraz tudy, dzie kamunalščyki tolki što prybrali. Biełarus zrabiŭ jamu zaŭvahu — u adkaz pačuŭ ahresiju i rasiejskija maciuki.
5 lipienia presavaja słužba minskaj milicyi paviedamiła, što ŭ vyniku apieratyŭna-vyšukovych mierapryjemstvaŭ achoŭniki paradku vyznačyli asobu hetaha hościa stalicy i zatrymali jaho. Im akazaŭsia 18‑hadovy rasijanin. Jak patłumačyŭ pravaachoŭnikam chłopiec, jany z maci pryjechali da svajakoŭ u Minsk i hulali.
Na maładoha čałavieka skłali administracyjnyja pratakoły — sud razhledzić jaho spravu ŭ paniadziełak 6 lipienia.
Identyfikacyja ludziej ciapier mahčymaja, tamu što horad nakryty ščylnaj sistemaj videanazirańnia ź identyfikacyjaj tvaraŭ.