Karcina Šahała «Prahułka» zastaniecca ŭ Biełarusi da kastryčnika: Turčyn damoviŭsia ź Mišuścinym ab praciahu vystavy
Znakamitaja karcina Marka Šahała «Prahułka» budzie vystaŭlacca ŭ Nacyjanalnym mastackim muziei Biełarusi daŭžej, čym płanavałasia.
Vystava, jakaja miełasia zaviaršycca 6 lipienia, pradoŭžana da kastryčnika praz damoŭlenaści pamiž premjer-ministram Biełarusi Alaksandram Turčynym i premjer-ministram Rasii Michaiłam Mišuścinym. Pra heta paviedamiła pres-słužba muzieja.
Biełarusi daviałosia vieści pieramovy na najvyšejšym uzroŭni, bo karcina znachodzicca ŭ kalekcyi Dziaržaŭnaha Ruskaha muzieja ŭ Sankt-Pieciarburhu. U Minsk «Prahułku» pryvieźli na časovy pakaz 8 krasavika ŭ miežach dzion Ruskaha muzieja.
Hety pryjezd «Prahułki» ŭ Biełaruś źjaŭlajecca pieršym.
Druhoje słavutaje viciebskaje pałatno Šahała — «Nad horadam» — zachoŭvajecca ŭ Traćciakoŭskaj halerei ŭ Maskvie.