Narviehija vysadziła Braziliju z čempijanatu śvietu
Dubl Chołanda — i Brazilija jedzie dachaty. A Narviehija kročyć u čverćfinał.
Fota: Yuki Iwamura / AP
Zbornaja Narviehija vyjhrała ŭ Brazilii ŭ matčy 1/8 finału ź likam 2:1. Chołand pieršy hoł zabiŭ na 80‑j chvilinie, a potym na 91-j.
Brazilija ŭžo nie taja — choć bukmiekiery i ličyli jaje absalutnym favarytam matča, — kamanda całkam addała inicyjatyvu supiernikam. Narviehija vałodała miačom 67%. Tak, atak było niašmat, temp byŭ nie vysoki, ale hulnia ŭ cełym išła pad kantrolem skandynavaŭ.
Dy jašče i kuraž złaviŭ bramnik Narviehii — 35‑hadovy Orjan Niułand navat adbiŭ pienalci ŭ pačatku hulni.
Na apošniaj chvilinie sustrečy ŭ varoty Narviehii byŭ pryznačany pienalci. Niejmar zabiŭ, ale heta nie dapamahło, Narviehija pieramahaje 2:1.
Narviehija ŭ čverćfinale sustreniecca ź pieramožcam pary Mieksika — Anhlija, hety matč pačniecca siońnia a treciaj nočy.
Chołand, darečy, dahnaŭ na hetym mundyjali pa kolkaści hałoŭ Miesi i Mbape. U ich ciapier pa siem hałoŭ.