Rankam nad Homielščynaj lataŭ dron
Siońnia kala 06:45 nad Homielščynaj byŭ zaŭvažany jak minimum adzin dron, piša «Fłahštok».
Ilustracyjny zdymak. Fota: AP Photo / Evgeniy Maloletka
Žychary Dobrušskaha rajona nazirali ŭ niebie čorny latalny aparat z trochkutnym siłuetam. Jaho palot supravadžaŭsia hukam ruchavika, «jak u mapieda». Najbolš imavierna, heta byŭ rasijska-iranski ŭdarny bieśpiłotnik typu «Šachied» («Hierbiera»), jaki kiravaŭsia dla ataki pa terytoryi Ukrainy.
Dron uvarvaŭsia davoli hłyboka na terytoryju Biełarusi i ruchaŭsia ŭ paŭdniova-zachodnim kirunku.