Paciarpieły ad pažaru dom u centry Minska nakryli časovym dacham i paskarajuć kapitalny ramont

Kapitalny ramont doma na vulicy Lenina, 9 u Minsku, jaki paciarpieŭ ad pažaru, jaki bušavaŭ tut 28‑29 červienia, płanujuć pačać u 2027 hodzie. Pra heta stała viadoma padčas vyjaznoj narady pad kiraŭnictvam staršyni Minharvykankama Uładzimira Kucharava, paviedamlaje ahienctva «Minsk-Naviny».

Na siońniašni całkam zavieršana ŭkładvańnie časovaha dachu, što dazvolić abaranić budynak ad praciakańniaŭ padčas mocnych apadkaŭ.

U administracyi Leninskaha rajona Minska adznačyli, što paśla pažaru hrafik kapitalnaha ramontu doma byŭ pierahledžany. U 2026 hodzie płanujecca raspracavać prajektnuju dakumientacyju, a sami ramontnyja raboty pačać u 2027 hodzie.

Ciapier budaŭniki zajmajucca avaryjna-adnaŭlenčymi rabotami: raźbirajuć paškodžanyja kanstrukcyi i rasčyščajuć paddachavuju prastoru, kab jak maha chutčej prystupić da ŭźviadzieńnia pastajannaha dachu.

Pavodle infarmacyi «Minskbuda», užo vyvieziena kala 1 400 kubamietraŭ budaŭničaha śmiećcia, zakončany demantaž kanstrukcyj, jakija nie padlahajuć adnaŭleńniu, i ŭkładzieny časovy dach.

Pieršyja elemienty novaj krokviennaj sistemy płanujuć dastavić na abjekt 9 lipienia. Budaŭniki pracujuć štodnia z 8:00 da 23:00, kab jak maha chutčej zakončyć adnaŭleńnie doma.

Kamientary da artykuła