U Ščučynskim rajonie znajšli pažyłoha hrybnika, jaki try dni błukaŭ u lesie
U Ščučynskim rajonie viečaram u paniadziełak, 6 lipienia, paśpiachova zaviaršylisia pošuki mužčyny, jaki zabłukaŭ u lesie, piša Biełta.
Fota: UUS Hrodzienskaha abłvykankama
64‑hadovy žychar vioski Bieršty ranicaj u subotu adpraviŭsia ŭ les na pošuki hryboŭ i da viečara dadomu nie viarnuŭsia. U 23.50 zaniepakojenyja svajaki zajavili pra źniknieńnie mužčyny ŭ milicyju.
Pošuki praciahvalisia da viečara 6 lipienia. Mužčynu znajšli niepadalok ad vioski Ivačy. Viaskoŭca pieradali svajakam, zaraz jon znachodzicca doma.