Budanaŭ: Łukašenka pačuŭ pieraściarohi Ukrainy. Nie baču pahrozy nastupu z boku Biełarusi
Kiraŭnik Ofisa prezidenta Ukrainy Kirył Budanaŭ skazaŭ «RBK-Ukraina», što vajna z Ukrainaj dla Biełarusi zaviaršyłasia b kracham.
Kirył Budanaŭ. Fota: Getty Images
— Jašče adzin jość susied, užo dakładna varožy, — heta Biełaruś. Łukašenka pačuŭ našy pieraściarohi, miarkujučy pa ŭsim? — spytaŭ karespandent Budanava.
— Miarkujučy pa ŭsim, pačuŭ. Ale ŭ pryncypie ja bolš spakojna staviŭsia b da pytańnia Biełarusi. Nie treba nam rabić jašče adnaho voraha.
Ja nie ŭ tym sensie, što my sami niešta tam eskalujem, nie. Ale ŭ pryncypie mieć jašče adnaho voraha i jašče adnu zonu bajavych dziejańniaŭ nam dakładna nie vyhadna. Toje, što jany nas pačuli — heta vielmi pravilny krok. I treba ŭsprymać jaho mienavita tak.
— Łukašenka, ja tak razumieju, vielmi baicca, kab nie apynucca krajnim va ŭsioj hetaj historyi. Jamu samomu, vidavočna, dakładna nie treba napadać na Ukrainu. Jon baicca, što jaho prymusiać?
— Ja navat nie razumieju, dla čaho ŭ teoryi heta mahło b jamu być patrebna. Vajna z Ukrainaj dla ich zavieršycca kracham.
Tamu što z adnaho boku Rasija, jakaja budzie dušyć u brackich abdymkach i zadušyć u takich umovach da kanca. I jany heta cudoŭna viedajuć. Ź inšaha boku Ukraina, jakaja, skažam tak, niešta moža.
— Moža niamała.
— Ja pra toje i kažu. Tamu niama nijakaha sensu. Adpaviedna, stanam na zaraz, na momant razmovy, pahroz niejkich, ja nie kažu tolki pra nastup na ziamli, ja nie baču.