Z alimpijskaj prahramy vyklučyli vid sportu, jaki byŭ u joj sto hadoŭ
Mižnarodny alimpijski kamitet zaćvierdziŭ prahramu budučych spabornictvaŭ zimovych Alimpijskich hulniaŭ 2030 hoda, jakija projduć u Francuzskich Alpach. Ź jaje vyklučyli łyžnaje dvuchborje — vid sportu, jaki niaźmienna prysutničaŭ u prahramie z samaj pieršaj zimovaj Alimpijady 1924 hoda ŭ taksama francuzskim Šamani.
Fota ilustracyjnaje
Alimpijada-2030 stanie pieršaj u historyi, dzie va ŭsich vidach sportu buduć udzielničać i mužčyny, i žančyny. Usiaho płanujecca razyhrać 126 kamplektaŭ miedaloŭ: 56 siarod žančyn, 55 siarod mužčyn i 15 u źmiešanych dyscyplinach.
U prahramu novych hulniaŭ dadaduć fryrajd (katańnie na hornych łyžach ci snoŭbordzie pa-za miežami padrychtavanych tras) i sinchronnaje fihurnaje katańnie.
U toj ža čas łyžnaje dvuchborje (kambinacyja skačkoŭ z tramplina i łyžnych honak) stracić status alimpijskaha vidu sportu. Na Alimpijadzie-2026 jano zastavałasia adzinaj dyscyplinaj, dzie ŭdzielničali tolki mužčyny.
Łyžnaje dvuchborje ŭvachodziła ŭ prahramu ŭsich zimovych Alimpijad ź pieršych Hulniaŭ u 1924 hodzie ŭ francuzskim Šamani. Na Alimpijadzie-2026 u hetym vidzie sportu byli razyhranyja try kamplekty uznaharod.
Zimovyja Alimpijskija hulni 2030 hoda projduć u Francuzskich Alpach z 1 pa 17 lutaha.
Čytajcie taksama:
MAK źniaŭ rekamiendacyi ab adchileńni Rasii ad mižnarodnych spartyŭnych spabornictvaŭ
Čempijanat Jeŭropy pa stralbie pieranieśli z Estonii praz admovu pryniać biełarusaŭ
Biełaruskim i rasijskim lohkaatletam padoŭžyli adchileńnie ad spabornictvaŭ