Dva maršruty admieniać, adzin skarociać. U Minsku časova źmienicca ruch tramvajaŭ
Z 10 pa 12 lipienia ŭ Minsku źmienicca praca i raskład šerahu tramvajnych maršrutaŭ, a niekatoryja ź ich buduć całkam admienieny. Heta źviazana z praviadzieńniem budaŭničych rabot na tramvajnych šlachach.
«Minsktrans» paviedamiŭ pra źmieny na 10, 11 i 12 lipienia.
Tak, skaračajecca trasa tramvajnaha maršrutu №3 z boku DS «Sierabranka» da prypynku «Źmitraka Biaduli». Ruch budzie arhanizavany ad vulicy Kazłova pa vulicach Płatonava, Čapajeva, Źmitraka Biaduli, a ŭ zvarotny bok — pa vulicach Źmitraka Biaduli, Kazłova i dalej pa maršrucie.
Całkam admianiajecca ruch tramvajnych maršrutaŭ №4 i №5.
Arhanizujecca praca časovaha kampiensacyjnaha aŭtobusnaha maršrutu №903 (Čarviakova — praśpiekt Niezaležnaści).
Adnačasova z hetym na try dni źmianiajecca raskład ruchu tramvajnych maršrutaŭ №1 i №6.
Pasažyry, jakija majuć prajazny dakumient na tramvaj abo apłacili pajezdku ŭ tramvai adnarazovym kvitkom, atrymlivajuć prava prajezdu biez dadatkovaj apłaty ŭ aŭtobusie №903, i naadvarot.